ఇండోనేషియాలో మరో భూకంపం: రిక్టర్ స్కేలుపై 5.8 తీవ్రత నమోదు

ఇండోనేషియాలో ఈ ఉదయం మరో భూకంపం సంభవించింది. రిక్టర్ స్కేలుపై దీని తీవ్రత 5.8గా నమోదైంది. ఉదయం 8:48 గంటల సమయంలో ఈ ప్రకంపనలు వచ్చాయి. ప్రజలు భయంతో ఇళ్ల నుంచి బయటకు పరుగులు తీశారు.

గత మూడు రోజుల్లో ఇండోనేషియాలో మూడు భారీ భూకంపాలు సంభవించాయి. ఈ నెల 15న 7.7 తీవ్రతతో వచ్చిన భూకంపంలో 53 మంది మృతి చెందారు. 100 మందికి పైగా గాయపడ్డారు. వేలాది మంది నిరాశ్రయులయ్యారు.

భూకంపాల ప్రభావంతో 900కు పైగా భవనాలు దెబ్బతిన్నాయి. రహదారులు కూడా దెబ్బతిన్నాయి. 5000 మందిని తాత్కాలిక ఆశ్రయాలకు తరలించారు. సహాయక చర్యలు కొనసాగుతున్నాయి.