హైదరాబాద్ హైటెక్స్‌లో అంతర్జాతీయ ఫర్నిచర్, హోమ్ ఇంటీరియర్ ఎక్స్పో

హైదరాబాద్ మాదాపూర్‌లోని హైటెక్స్ ఎగ్జిబిషన్ సెంటర్‌లో అంతర్జాతీయ ఫర్నిచర్ ఎక్స్పో నిర్వహిస్తున్నారు.

ఈ ప్రదర్శన ఆగస్టు 13 నుంచి ఆగస్టు 16 వరకు కొనసాగుతుంది. హాల్ నంబర్ 1 లో థాయ్‌లాండ్ ఇంటర్నేషనల్ షాపింగ్ ఫెస్టివల్, హోమ్ ఇంటీరియర్ ఎక్స్పో పేరిట ప్రదర్శన ఏర్పాటు చేశారు. సందర్శకులకు ఉదయం 10 గంటల నుంచి రాత్రి 8.30 గంటల వరకు అందుబాటులో ఉంటుంది.

ఇక్కడ ఫర్నిచర్, హోమ్ డెకరేటివ్ వస్తువులు, దిగుమతి చేసిన వస్తువులు ప్రదర్శనలో ఉన్నాయి. ఎక్స్పో మేనేజర్ సతీష్ మాట్లాడుతూ ఇంటికి అవసరమైన అన్ని రకాల ఫర్నిచర్ ఇక్కడ లభిస్తాయని తెలిపారు.

బెంగళూరు, అత్తాపూర్‌లో ఉత్పత్తి యూనిట్లు ఉన్న ఓ సంస్థ కూడా ఎక్స్పోలో తమ సోఫాలు, ఇటాలియన్ లెదర్ ఉత్పత్తులను ప్రదర్శిస్తోంది. అత్తాపూర్‌లోని పిల్లర్ నంబర్ 106 వద్ద ఆ సంస్థ స్టోర్ ఉందని ప్రతినిధి తెలిపారు. ఈ ప్రదర్శన ఆగస్టు 16తో ముగుస్తుంది.