హైదరాబాద్‌లో ఇస్కాన్ స్వర్ణోత్సవ వేడుకలు ఆగస్టు 15 నుంచి

హైదరాబాద్ నాంపల్లి ఎగ్జిబిషన్ గ్రౌండ్స్‌లో అబిట్స్ ఇస్కాన్ ఆధ్వర్యంలో శ్రీ రాధా మదన్ మోహన్ మందిర 50వ స్వర్ణోత్సవ వేడుకలు నిర్వహించనున్నారు. ఆగస్టు 15 నుంచి 18 వరకు నాలుగు రోజుల పాటు ఈ వేడుకలు జరుగుతాయి.

ప్రతిరోజు సాయంత్రం 4 గంటల నుంచి రాత్రి 9 గంటల వరకు కార్యక్రమాలు ఉంటాయి. ఆగస్టు 15న సుదర్శన యజ్ఞం, 16న పుష్పాభిషేకం, 17న చప్పన్ భోగ, 18న మహాభిషేకం నిర్వహిస్తామని నిర్వాహకులు తెలిపారు.

ఈ మందిరాన్ని 1976లో శ్రీల ప్రభుపాద స్వయంగా స్థాపించారు. ఆయన రాధా మదన్ మోహన్, జగన్నాథ్, బలదేవ్, సుభద్ర, గౌర్ నితాయి వంటి విగ్రహాలను ప్రతిష్టించారు. 50 ఏళ్లు పూర్తి చేసుకున్న సందర్భంగా ఈ వేడుకలు ఘనంగా నిర్వహిస్తున్నట్లు వెల్లడించారు.