ముంబైలో నటి రకుల్ ప్రీత్ సింగ్ నివాసంతో సహా 12 ప్రాంతాల్లో ఐటీ సోదాలు

ముంబైలో నటి రకుల్ ప్రీత్ సింగ్ నివాసంతో సహా మొత్తం 12 ప్రాంతాల్లో ఆదాయ పన్ను శాఖ అధికారులు సోదాలు నిర్వహిస్తున్నారు. రకుల్ ప్రీత్ సింగ్ ఇంటితో పాటు పలు కార్యాలయాల్లో కూడా ఈ సోదాలు జరుగుతున్నాయి.

ఈ సోదాల్లో నిర్మాత Vashu Bhagnani కు, Panorama Studios కు సంబంధించిన ప్రాంతాలు కూడా ఉన్నాయని సమాచారం. రకుల్ ప్రీత్ సింగ్ తో పాటు వాటిలో కూడా ఏకకాలంలో సోదాలు జరుగుతున్నాయి.

సినిమా ప్రాజెక్టుల ఫైనాన్సింగ్ పేరుతో విదేశాలకు నిధులు తరలించారనే అనుమానాలతో ఈ సోదాలు జరుగుతున్నట్లు సమాచారం. అనుమానాస్పద ఆర్థిక లావాదేవీలకు సంబంధించి అధికారులకు సమాచారం అందినట్లు తెలుస్తోంది.

ప్రస్తుతం అధికారులు కీలక పత్రాలు, ఆర్థిక రికార్డులు, విదేశీ లావాదేవీల వివరాలను పరిశీలిస్తున్నారు. సోదాలు పూర్తయిన తర్వాత మరిన్ని వివరాలు వెల్లడయ్యే అవకాశం ఉంది.