సామాజిక భద్రత కార్యక్రమాల్లో మోసాలను అరికట్టాలని జేడీ వాన్స్ నొక్కిచెప్పారు

US Vice President JD Vance, సామాజిక భద్రత కార్యక్రమాల్లో మోసాలను అరికట్టడమే ప్రధానమని శనివారం నాడు నొక్కి చెప్పారు. "డబ్బు చెట్ల మీద పండదు, వనరులు పరిమితంగా ఉన్నాయి. నిజంగా అవసరమైన వారికి సాయం అందాలంటే మోసాన్ని నియంత్రించాలి" అని ఆయన అన్నారు.

ఒక యువ తల్లికి ప్రీనేటల్ విటమిన్లు కొనుక్కోలేని పరిస్థితి ఉంటే, మోసగాడు ఆ ప్రోగ్రామ్‌ను దుర్వినియోగం చేయకుండా ఆమెకు సాయం అందేలా చూడాలని వాన్స్ వివరించారు. "ఈ కార్యక్రమాలు భవిష్యత్తు తరాలకు కూడా అందుబాటులో ఉంచాలి" అని ఆయన అన్నారు. తనకు మోసంపై ఎందుకు శ్రద్ధ ఎక్కువో వివరిస్తూ, పన్ను చెల్లింపుదారుల ప్రయోజనాలను కాపాడాలనేదే తన లక్ష్యమని చెప్పారు.

అమెరికాలో అతి పెద్ద ఫెడరల్ ప్రోగ్రామ్ Social Security ని ఉదాహరణగా తీసుకున్నారు. ప్రజలు తమ ఉద్యోగ జీవితమంతా ఈ నిధికి కంట్రిబ్యూట్ చేస్తారు. ప్రతి రెండు వారాలకు వచ్చే పే చెక్ లో Social Security కోసం నిర్ణీత సొమ్ము మినహాయింపు జరుగుతుంది. అయితే, ఇప్పుడు అక్రమ వలసదారులకు కూడా Social Security చెక్‌లు పంపిస్తే, చెల్లించిన వారికి డబ్బు దక్కదని వాన్స్ ఆందోళన వ్యక్తం చేశారు. "ఇది పూర్తి స్కామ్, ఇది ఆమోదయోగ్యం కాదు" అని ఆయన స్పష్టం చేశారు.

మోసగాళ్లను అడ్డుకోవడం ద్వారానే చెల్లించిన పన్ను చెల్లింపుదారులకు ప్రయోజనాలు చేరేలా చూడగలమని JD Vance ఉద్ఘాటించారు. అమెరికా పౌరుల హక్కుల పరిరక్షణే తమ ప్రభుత్వ ప్రాధాన్యత అన్నారు.