మంత్రి జూపల్లి కేటీఆర్‌కు రుణాలపై చర్చకు సవాల్; లెక్కలు తప్పైతే రాజీనామా చేస్తా

తెలంగాణ రాష్ట్ర పంచాయతీరాజ్ శాఖ మంత్రి జూపల్లి కృష్ణారావు బీఆర్ఎస్ వర్కింగ్ ప్రెసిడెంట్ కేటీఆర్‌కు రాష్ట్ర రుణాలపై బహిరంగ చర్చకు సవాల్ విసిరారు. గురువారం ఉదయం 11 గంటలకు తెలంగాణ భవన్‌కు రావాలని, తాను చెప్పే లెక్కలు తప్పైతే తన ఎమ్మెల్యే పదవికి రాజీనామా చేస్తానని ప్రకటించారు.

ఈ సందర్భంగా జూపల్లి మాట్లాడుతూ కేటీఆర్ చేసిన ఆరోపణలు అవాస్తవమని, ఆయన చెప్పే విధానం మళ్ల చిలక పలుకులు లాంటిదని విమర్శించారు. బీఆర్ఎస్ ప్రభుత్వం చేసిన అప్పులనే తమ ప్రభుత్వం తీరుస్తోందని, రుణమాఫీ విషయంలో గత ప్రభుత్వం 10-12 వేల కోట్లు మాత్రమే చేసిందని, తాము ఒకేసారి 20 వేల కోట్లకు పైగా రుణమాఫీ చేశామని జూపల్లి తెలిపారు.

తాను చెప్పే లెక్కలు అబద్ధమని నిరూపిస్తే ఈ రోజే రాజీనామా చేస్తానని జూపల్లి సవాల్ విసిరారు. కేటీఆర్ లేదా హరీష్ రావు ఈ చర్చకు వస్తారా అని ప్రశ్నించారు.

కేటీఆర్ ఇటీవల ప్రభుత్వం రుణమాఫీ లెక్కలపై సవాల్ విసిరిన నేపథ్యంలో మంత్రి జూపల్లి ఈ ప్రకటన చేశారు. ఈ చర్చకు బీఆర్ఎస్ నుంచి ఎటువంటి స్పందన లేదు.