కాగజ్‌నగర్‌లో సుమారు 3,000 మంది నివాసులకు ఎవిక్షన్ నోటీసులు

కొమరంభీం ఆసిఫాబాద్ జిల్లా కాగజ్‌నగర్‌లోని సర్ సిల్క్ కంపెనీ పరిసరాల్లో నివసించే సుమారు 3,000 మంది నివాసులకు రెవెన్యూ అధికారులు నోటీసులు జారీ చేశారు. ఇళ్లు, కంపెనీ క్వార్టర్లను ఖాళీ చేయాలంటూ ఈ నోటీసులు అందజేసినట్టు సమాచారం. దీంతో స్థానిక నివాసితుల్లో ఆందోళన నెలకొంది.

కంపెనీ ప్రారంభమైన తర్వాత దాని చుట్టూ చిన్న చిన్న కాలనీలు ఏర్పడ్డాయి. వందలాది కుటుంబాలు ఏళ్ల తరబడి ఇక్కడే నివసిస్తున్నాయి. క్వార్టర్లలో, పక్కనే ఉన్న ఇళ్లలో ఉంటున్న వారికి కూడా నోటీసులు వెళ్లినట్టు తెలుస్తోంది.

నోటీసులు అందుకున్న వారిలో సిర్పూర్ ఎమ్మెల్యే పాల్వాయి హరీష్ బాబు కూడా ఉన్నట్టు సమాచారం. కంపెనీ క్వార్టర్లలో ఆయనకు నివాసం ఉంది. మరో ప్రాంతంలోనూ ఆయన ఇల్లు ఉంది.

నోటీసులు అందుకున్న బాధితులు BRS నేత కల్వకుంట్ల కవితను కలిశారు. క్వార్టర్లు, ఇళ్లను నివాసులకే ఇవ్వాలని ఆమె డిమాండ్ చేశారు. ఈ నోటీసులు జిల్లా వ్యాప్తంగా చర్చనీయాంశంగా మారాయి.