పులివెందుల ZPTC స్థానంలో TDP గెలుపు.. 1,472 ఓట్ల ఆధిక్యం

కడప జిల్లా పులివెందుల ZPTC స్థానంలో TDP అభ్యర్థి గెలుపొందారు. TDP అభ్యర్థి 1,472 ఓట్ల ఆధిక్యంతో విజయం సాధించినట్లు కౌంటింగ్ అధికారులు ప్రకటించారు.

కౌంటింగ్ కేంద్రం వద్ద కొద్ది సమయం క్రితమే ఈ ఫలితం ప్రకటించారు. పులివెందుల నియోజకవర్గంలో మొత్తం ఆరు ZPTC స్థానాలు ఉన్నాయి. వాటిలో నాలుగు స్థానాలకు ఇప్పుడు ఎన్నిక జరిగింది.

ఈ స్థానానికి 10,622 మంది ఓటర్లు ఉన్నారు. పోలైన ఓట్లు 7,900 మాత్రమే. సుమారు 60% ఓటింగ్ నమోదైంది.

నామినేషన్ ప్రక్రియ నుంచే ఇక్కడ ఉద్రిక్తతలు నెలకొన్నాయి. తమ అభ్యర్థులను, పోలింగ్ ఏజెంట్లను కేంద్రాల్లోకి అనుమతించలేదని YSRCP నేతలు ఆరోపించారు. ఈ కారణంగానే తాము ఓడిపోయామని వారు చెప్తున్నారు. ఈ ఆరోపణలపై TDP స్పందన తెలియాల్సి ఉంది.

పులివెందులను YSRCP బలమైన స్థావరంగా భావిస్తారు. YSRCP అధ్యక్షుడు, మాజీ CM వైఎస్ జగన్మోహన్ రెడ్డి ఇక్కడి నుంచి ఎమ్మెల్యేగా ఉన్నారు. గత 40 ఏళ్లలో ఇక్కడ మున్సిపల్, ZPTC ఎన్నికల్లో TDP గెలిచిన దాఖలాలు లేవని స్థానిక ఎన్నికల చరిత్ర చెప్తోంది.