మాతృభూమి స్క్రిప్ట్ మార్చాలని ప్రభుత్వం ఒత్తిడి చేయలేదు: సల్మాన్ ఖాన్

మాతృభూమి సినిమా స్క్రిప్ట్ మార్చుకోవాలని ప్రభుత్వం ఒత్తిడి చేసిందన్న వాదనలను బాలీవుడ్ నటుడు సల్మాన్ ఖాన్ తోసిపుచ్చారు. తమ సినిమా చైనాకు వ్యతిరేకంగా ఉందన్న నెరేటివ్, దానిపై ప్రభుత్వ ఒత్తిడి వంటివి అవాస్తవమని ఆయన స్పష్టం చేశారు.

"స్క్రిప్ట్ మార్చాలని గవర్నమెంట్ ప్రెషర్ పెట్టిందని చెప్పడం బక్వాస్. అది అసలు నిజం కాదు" అని సల్మాన్ ఖాన్ అన్నారు. మాతృభూమి సైనికుల జీవితాలపై తీసిన సినిమా అని, సైనికులు ఏమి ఎదుర్కొంటారు, వారి కుటుంబాలు ఏ పరిస్థితుల్లోంచి వెళ్తాయి అనేది ఇరువైపులా చూపించామని ఆయన వివరించారు.

"ఇందులో ఎలాంటి నెగటివ్ ఫోర్సెస్ లేవు. అవి కేవలం పరిస్థితులు మాత్రమే. సైనికులు ఒకరినొకరు ఇష్టపడతారు, కానీ పరిస్థితి ఏర్పడినప్పుడు దేశమే ముందు అన్న భావనతో నిర్ణయాలు తీసుకుంటారు" అని ఆయన చెప్పారు.

సినిమా చైనాకు వ్యతిరేకంగా ఉందన్న చర్చ నేపథ్యంలో సల్మాన్ ఖాన్ ఈ వివరణ ఇచ్చారు. శత్రుత్వాన్ని పెద్ద చేయడం కాకుండా, సరిహద్దుల్లో సైనికులు ఎదుర్కొనే పరిస్థితులను, ఆ భారం వారి కుటుంబాలపై ఎలా పడుతుందన్నది చూపించామని ఆయన అన్నారు. సినిమాలో దేశమే ముందు అన్న భావన ప్రధానమని, సైనికుల మధ్య ఉండే పరస్పర గౌరవాన్ని కూడా తెరపై చూపించామని సల్మాన్ ఖాన్ తెలిపారు.