'కాలడి నుండి కైలాసం' 15వ ఎపిసోడ్‌లో శంకరాచార్య బోధనల విశ్లేషణ

హిందూ ధర్మం ప్రత్యేక కార్యక్రమం 'కాలడి నుండి కైలాసం' 15వ ఎపిసోడ్ ప్రసారమైంది. ఈ ఎపిసోడ్‌లో జగద్గురు శ్రీ భారతీ తీర్థ పురస్కార గ్రహీత డా. చెక్కెళ్ల రాజేంద్ర కుమార్ పాల్గొన్నారు.

జైమిని మహర్షిని నిరీశ్వర వాదిగా కొందరు భావిస్తున్నారని, అయితే అది సరికాదని శంకరాచార్యులు వివరించిన తీరును ఈ కార్యక్రమంలో చర్చించారు. జైమిని సూత్రాలను సరిగా అర్థం చేసుకోకపోవడమే దీనికి కారణమని ఆయన పేర్కొన్నారు.

మండన మిశ్రుడు-శంకరాచార్యుల వాదోపవాదాల తర్వాత మండన మిశ్రుడు శంకరాచార్యులను శరణు వేడిన ఘట్టం కూడా వివరించారు. అలాగే ఉభయ భారతీ దేవి శంకరాచార్యులను వాదానికి ఆహ్వానించడం, ఆ వాదం చరిత్రలో ప్రత్యేకత సంతరించుకోవడం గురించి కూడా చెప్పారు.