కాళోజీ హెల్త్ యూనివర్సిటీ ఎంబీబీఎస్, బీడీఎస్ ప్రవేశాల నోటిఫికేషన్ విడుదల

కాళోజీ హెల్త్ యూనివర్సిటీ 2026-27 విద్యా సంవత్సరానికి MBBS, BDS ప్రవేశాల నోటిఫికేషన్ విడుదల చేసింది.

NEET UG 2026 అర్హత సాధించిన అభ్యర్థులు ఈ నెల 5వ తేదీ నుంచి 12వ తేదీ వరకు యూనివర్సిటీ వెబ్‌సైట్‌లో ఆన్‌లైన్ దరఖాస్తు చేసుకోవాలి. దరఖాస్తుతోపాటు అన్ని సర్టిఫికెట్లు అప్‌లోడ్ చేయడం తప్పనిసరి అని అధికారులు తెలిపారు.

వెబ్ ఆప్షన్లకు ముందు సీట్ల మ్యాట్రిక్స్ ప్రకటిస్తామని, సర్టిఫికెట్ల పరిశీలన తర్వాత తాత్కాలిక మెరిట్ జాబితా విడుదల చేస్తామని యూనివర్సిటీ వివరించింది. ఆ తర్వాత వెబ్ ఆప్షన్లు, కౌన్సిలింగ్ షెడ్యూల్, సీట్ల మ్యాట్రిక్స్‌ను కెఎన్‌ఆర్‌హెచ్‌ఎస్ వెబ్‌సైట్‌లో ప్రకటిస్తారు.