కన్నప్ప నాయనారు: కళ్లనే శివుడికి సమర్పించిన వేటగాడి భక్తి కథ

కన్నప్ప నాయనారు (మొదటి పేరు తిన్నడు) 63 మంది నాయనార్లలో ఒకరు. ఇతని కథ శ్రీకాళహస్తి క్షేత్రంతో ముడిపడి ఉంది.

తిన్నడు ఒక వేటగాడు. తండ్రి నాథనాథుడు బోయ జాతి నాయకుడు. అడవిలో వేటాడుతూ ఒక చెట్టు కింద శివలింగాన్ని చూసి, దానిపై తీవ్రమైన భక్తితో అక్కడే ఉండిపోయాడు. అడవిలో దొరికే మాంసం, సువర్ణముఖి నదిలో నీళ్లు నోటితో తెచ్చి, పూలూ ఆకులూ సమర్పించి రోజూ పూజించాడు.

ఆలయ పూజారి శివగోచరుడికి ఈ అసాధారణ పూజా విధానం చూసి ఆగ్రహం వచ్చింది. కానీ శివుడు ప్రత్యక్షమై ఆ భక్తి ప్రాధాన్యాన్ని వివరించాడు. ఒకరోజు శివలింగం కంటి నుంచి రక్తం కారడం చూసిన తిన్నడు, తన కంటిని పెకలించి ఆ కంట్లో పెట్టాడు. రెండో కంటిని కూడా తీయబోతుండగా శివుడు సాక్షాత్కరించి అతని చూపును పునరుద్ధరించాడు. తన కళ్లను ఇచ్చినందుకు అతనికి 'కన్నప్ప' (కన్ను ఇచ్చినవాడు) అనే పేరు వచ్చింది.

ఈ కథ ఆదిశంకరుల శివానందలహరి, కృష్ణదేవరాయల ఆస్థాన కవి దూర్జటి రచించిన 'శ్రీకాళహస్తి మాహాత్యం'లో వివరించబడింది. కన్నప్ప నాయనారు అపార భక్తికి గుర్తుగా నేటికీ శ్రీకాళహస్తి క్షేత్రంలో గుర్తుండిపోయారు.