కరీంనగర్‌లో నేడు కార్తీక దీపోత్సవం: బీఆర్ అంబేద్కర్ స్టేడియంలో ఏర్పాట్లు పూర్తి

కరీంనగర్‌లోని బీఆర్ అంబేద్కర్ స్టేడియంలో ఈరోజు సాయంత్రం 5:30 గంటలకు కార్తీక దీపోత్సవం ప్రారంభమవుతుంది. ఈటీవీ తెలంగాణ ఆధ్వర్యంలో ఈ కార్యక్రమాన్ని నిర్వహిస్తున్నారు.

కార్తీక మాసం సందర్భంగా వేలాది మంది మహిళా భక్తులు ఈ కార్యక్రమానికి హాజరవుతారు. ప్రవేశం ఉచితం. పూజా సామాగ్రిని కూడా నిర్వాహకులు ఉచితంగానే అందిస్తున్నారు. ఇప్పటికే పాసుల పంపిణీ పూర్తయింది.

సాయంత్రం 6 గంటల ప్రాంతంలో వేద పండితుల మంత్రోచ్చారణలతో కార్యక్రమం ప్రారంభమవుతుంది. అనంతరం జ్యోతి ప్రజ్వలన జరుగుతుంది. వేద పండితులు హాజరైన మహిళా భక్తులకు కార్తీక మాస విశిష్టతను వివరిస్తారు. ఆ తర్వాత కార్తీక పూజ నిర్వహిస్తారు.

ఈ కార్యక్రమాన్ని సాయంత్రం 5:30 నుంచి రాత్రి 8 గంటల వరకు ETV తెలంగాణ, ETV ఆంధ్రప్రదేశ్, ETV Life ఛానెల్‌లలో ప్రత్యక్ష ప్రసారం చేస్తారు. ప్రస్తుతం అన్ని ఏర్పాట్లు పూర్తయ్యాయని నిర్వాహకులు తెలిపారు.