కార్తీక మాసం ప్రత్యేకత: స్నానం, దానం, దీపం ఈ మూడే ముఖ్యం

కార్తీక పౌర్ణమి రోజున కార్తీక నక్షత్రం ఉండే మాసాన్ని కార్తీక మాసం అంటారు. ఈ మాసం శివుడికి, శ్రీ మహావిష్ణువుకు రెండింటికీ ముఖ్యమైనది.

పురాణాల ప్రకారం ఈ నెల మొదటి 15 రోజులు శ్రీ మహావిష్ణువు పూజకు చెందుతాయి. రెండో పక్షం ఈశ్వరుడి పూజకు అని చెబుతారు. కార్తీక మాసంలో శ్రీ మహావిష్ణువును దామోదరుడు అని పిలుస్తారు. ప్రతి సోమవారం కూడా ఈశ్వరుడికి ప్రత్యేకమైన రోజు.

ఆషాఢ శుక్ల ఏకాదశి నాడు శ్రీ మహావిష్ణువు శయనిస్తాడు. కార్తీక శుక్ల ఏకాదశి నాడు నిద్ర నుంచి లేస్తాడు. అందుకే ఈ నెలలో హరిని, హరుడిని ఇద్దరినీ పూజించడం విశేషం. దక్షిణాయన కాలంలో ప్రతి నెల ఒక పండుగ వాతావరణం ఉంటుంది.

కార్తీక మాసంలో స్నానం, దానం, దీపం — ఈ మూడు ముఖ్యమైనవి. నక్షత్రాలు ఉన్న సమయంలో స్నానం చేయాలని చెబుతారు. బ్రహ్మ ముహూర్తంలో స్నానం చేయడం మరింత విశేషం. ఉసిరి చెట్టు మీద దీపం పెట్టి దీపదానం చేస్తారు. ఉసిరిని శ్రీ మహావిష్ణువు స్వరూపంగా భావిస్తారు.

నెల మొత్తం ఈశ్వరుడిని, శ్రీహరిని ఇద్దరినీ పూజించడమే ఈ మాసం ప్రత్యేకత.