ఉచితాలు కాదు.. ఉపాధి ఇవ్వండి: తెలంగాణ ఆర్టీఎఫ్ అధ్యక్షుడు కాటకం రమేశ్

తెలంగాణ రెవెన్యూ టీచర్స్ ఫెడరేషన్ (ఆర్టీఎఫ్) రాష్ట్ర అధ్యక్షుడు కాటకం రమేశ్ ఉచిత పథకాలకు బదులు ప్రభుత్వం ఉపాధి కల్పనపై దృష్టి పెట్టాలని అన్నారు. ప్రస్తుతం ప్రభుత్వం ప్రకటించిన బీమా పథకాలు స్వాగతించదగినవే అయినా, ఉద్యోగుల ఆదాయ సామర్థ్యాన్ని పెంచే విధానాలపై దృష్టి సారించాలని ఆయన సూచించారు.

కాటకం రమేశ్ మాట్లాడుతూ, ఉద్యోగులు ఇప్పటికే తమ జీతం ఖాతాల ద్వారా ప్రమాద మరణ బీమా (₹5 లక్షల నుంచి ₹10 లక్షల వరకు), సహజ మరణ బీమా, పిల్లల చదువుల బీమా వంటి సదుపాయాలు పొందవచ్చని తెలిపారు. అయితే వీటి గురించి చాలా మంది ఉద్యోగులకు తెలియదని, ప్రభుత్వం ప్రచారం లోపిస్తోందని విమర్శించారు.

ఉచిత బస్సు పాసులు, గ్యాస్ సబ్సిడీలు, రుణమాఫీ వంటి పథకాలు ఉద్యోగులకు, ఔట్‌సోర్సింగ్ కార్మికులకు అందట్లేదని ఆయన చెప్పారు. ఉచితాల కన్నా ప్రజల కొనుగోలు శక్తిని పెంచే దిశగా ప్రభుత్వం అడుగులు వేయాలని అభిప్రాయపడ్డారు. గతంలో బీఆర్ఎస్ ప్రభుత్వం 43% పీఆర్సీ ఇచ్చినప్పటికీ, గ్రాడ్యుయేట్ ఎమ్మెల్సీ ఎన్నికల్లో ఉద్యోగులు నిరసన తెలిపిన ఉదాహరణను ప్రస్తావించారు.