కావేరి యూనివర్సిటీ 2026-27 అడ్మిషన్లు ప్రారంభం; డిజిటల్ ఫార్మింగ్ కోర్సులు అందుబాటులో

హైదరాబాద్ సమీపంలోని కావేరి యూనివర్సిటీ 2026-27 విద్యా సంవత్సరానికి అడ్మిషన్లు ప్రారంభించింది. ఇంజినీరింగ్, వ్యవసాయం కోర్సుల్లో ప్రవేశాలు కల్పిస్తున్నారు.

ఈ యూనివర్సిటీ వ్యవసాయ విభాగంలో డిజిటల్ ఫార్మింగ్ కోర్సు ప్రత్యేక ఆకర్షణగా నిలుస్తోంది. సంప్రదాయ పద్ధతుల నుంచి సాంకేతికత ఆధారిత సాగు విధానాలకు మారేందుకు విద్యార్థులను సిద్ధం చేయడం ఈ కోర్సు లక్ష్యం.

డిజిటల్ ఫార్మింగ్ ల్యాబ్‌లో హెడ్ కంట్రోల్ యూనిట్, గ్రాన్యులర్ ఫిల్టర్లు, డిస్క్ ఫిల్టర్లు, ఫెర్టిగేషన్ ట్యాంకులు వంటి అధునాతన పరికరాలు ఉన్నాయి. పొలాల్లో అమర్చిన 18 వాల్వ్‌లు మానిటర్ ద్వారా నియంత్రిస్తారు. వాతావరణ కేంద్రం డేటా, నేల తేమ శాతం ఆధారంగా సమయం లేదా లీటర్ల ప్రాతిపదికన స్వయంచాలక నీటి పారుదల చేయవచ్చు.

నీరు మొదట గ్రాన్యులర్ ఫిల్టర్ ద్వారా శుభ్రం చేసి, డిస్క్ ఫిల్టర్ల ద్వారా మరింత శుద్ధి చేసి సబ్‌మెయిన్‌ల ద్వారా లేటరల్స్‌కు పంపుతారు. ఈ పూర్తి ప్రక్రియలో విద్యార్థులకు ప్రత్యక్ష శిక్షణ ఇస్తున్నారు. ఇటువంటి సాంకేతికతలతో రైతుల సామర్థ్యం పెరగడమే కాకుండా కొత్త ఆవిష్కరణలకు మార్గం సుగమం అవుతుందని యూనివర్సిటీ వర్గాలు తెలిపాయి.

ఆసక్తి ఉన్న విద్యార్థులు అడ్మిషన్ల వివరాల కోసం యూనివర్సిటీ వెబ్‌సైట్‌ను సంప్రదించవచ్చు.