E20 పెట్రోల్, ధరల తగ్గింపు డిమాండ్‌తో రేపు ప్రధాని నివాసానికి కేజ్రీవాల్ మార్చ్

ఢిల్లీలో ఆమ్ ఆద్మీ పార్టీ రేపు ప్రధాని నరేంద్ర మోడీ నివాసానికి నిరసన మార్చ్ చేపట్టనుంది. E20 పెట్రోల్ ధరలు తగ్గించాలని, సాధారణ పెట్రోల్ తో పాటు E20 పెట్రోల్‌ను అన్ని పెట్రోల్ బంకుల్లో అందుబాటులో ఉంచాలని డిమాండ్ చేస్తున్నారు.

పార్టీ జాతీయ కన్వీనర్, మాజీ ముఖ్యమంత్రి అరవింద్ కేజ్రీవాల్ నేతృత్వంలో టౌన్ హాల్ నుంచి ప్రధాని ఇంటి వరకు పాదయాత్ర సాగనుంది. ఈ సందర్భంగా దాదాపు 2 లక్షల మంది ప్రజల సంతకాలతో కూడిన పిటిషన్‌ను ప్రధానికి నేరుగా అందజేయాలని AAP యోచిస్తోంది.

E20 పెట్రోల్‌పై కేంద్ర ప్రభుత్వ వైఖరిని విమర్శిస్తున్న కేజ్రీవాల్, అమెరికా అధ్యక్షుడు డోనాల్డ్ ట్రంప్ ఒత్తిడితో ఈ విధానాన్ని అమలు చేస్తున్నారని ఆరోపించారు. పెట్రోల్ ధరలు తగ్గించాలని, వినియోగదారులకు ఇంధనం ఎంపిక చేసుకునే అవకాశం కల్పించాలని కూడా డిమాండ్ చేశారు.

నిరసన నేపథ్యంలో ఢిల్లీ పోలీసులు భారీ భద్రత ఏర్పాటు చేస్తున్నారు. AAP ఈ మార్చ్ ద్వారా E20 అంశాన్ని ప్రజా సమస్యగా మార్చి, కేంద్ర ప్రభుత్వంపై ఒత్తిడి పెంచాలని భావిస్తోంది. ఈ విషయంపై కేంద్ర ప్రభుత్వం, BJP స్పందన ఇంకా రాలేదు.