వెంకటేశ్ హీరో అనగానే ‘వావ్’ అనుకున్నా: నటి ఖుష్బూ జ్ఞాపకాలు

సినీ నటి ఖుష్బూ తన తొలి తెలుగు సినిమా జ్ఞాపకాలను పంచుకున్నారు. ‘అలితో సరదాగా’ కార్యక్రమంలో ఆమె మాట్లాడారు.

డిసెంబర్ 1985లో జూబ్లీ హిల్స్‌లోని వెంకటేశ్ ఇంట్లో మొదటిసారి కలిశానని ఖుష్బూ చెప్పారు. ఆ సమయంలో వెంకటేశ్ పూర్తిగా తెల్లటి దుస్తుల్లో ఉండి, అమెరికన్ యాసలో ‘హాయ్, ఐ యాం వింకీ’ అని పలకరించారని గుర్తు చేసుకున్నారు.

‘రమణ నాయుడు గారి సురేష్ ప్రొడక్షన్స్‌లో కె. రాఘవేంద్ర రావు దర్శకత్వంలో వెంకటేశ్ హీరో అని తెలియగానే ఈ సినిమా పెద్దదవుతుందని అనుకున్నా’ అని ఖుష్బూ తెలిపారు. అందుకే ఆ సినిమా చేయాలని నిర్ణయించుకున్నానని చెప్పారు.

ఆ తర్వాత డిసెంబర్ చివర్లో ఫోటో షూట్స్ జరిగాయని, జనవరి 1, 1986న చెన్నైలో ‘కలియుగ పాండవులు’ సినిమా ప్రారంభమైందని వివరించారు. తెలుగు తెరపై కెరీర్‌ను ‘కలియుగ పాండవులు’తో ప్రారంభించడం జీవితంలోని అత్యుత్తమ నిర్ణయాల్లో ఒకటిగా ఖుష్బూ అభివర్ణించారు.