ఢిల్లీలో ‘హర్ ఘర్ తిరంగా’ బైక్ ర్యాలీ: కేంద్ర మంత్రి కిషన్ రెడ్డి, బండి సంజయ్ పాల్గొన్నారు

దేశ రాజధాని ఢిల్లీలో ‘హర్ ఘర్ తిరంగా’ కార్యక్రమంలో భాగంగా బైక్ ర్యాలీ నిర్వహించారు. కేంద్ర మంత్రి కిషన్ రెడ్డి, రాజ్యసభ సభ్యుడు డాక్టర్ లక్ష్మణ్, మాజీ ఎంపీ బండి సంజయ్ ఈ ర్యాలీలో పాల్గొన్నారు. జాతీయ జెండాలు చేతబట్టి భారీగా జరిగిన ఈ ర్యాలీలో బీజేపీ నేతలు, పెద్ద సంఖ్యలో యువత పాల్గొన్నారు.

ఈ సందర్భంగా కేంద్ర మంత్రి కిషన్ రెడ్డి మాట్లాడుతూ, “దేశానికి స్వాతంత్రం వచ్చి 80 వసంతాలు పూర్తి చేసుకున్న నేపథ్యంలో ఈ తిరంగా యాత్ర నిర్వహిస్తున్నాం. ప్రతి ఇంటిపై జాతీయ జెండా ఎగురవేయాలి” అని కోరారు. బండి సంజయ్ మాట్లాడుతూ, ఈ కార్యక్రమం కుల, మత, భాషా, వయో, రాష్ట్రాల భేదాలు లేకుండా ప్రతి ఒక్కరూ పాల్గొనాల్సిన దేశ గౌరవానికి సంబంధించినదని పేర్కొన్నారు. యువతలో దేశభక్తి పెంపొందించడమే లక్ష్యంగా ఈ ర్యాలీ నిర్వహిస్తున్నట్టు తెలిపారు.

స్వాతంత్ర్య దినోత్సవం నేపథ్యంలో దేశవ్యాప్తంగా కేంద్ర ప్రభుత్వం ‘హర్ ఘర్ తిరంగా’ కార్యక్రమాన్ని ప్రోత్సహిస్తోంది. ఢిల్లీలో ఈ ర్యాలీ సాంస్కృతిక శాఖ నేతృత్వంలో జరిగింది. ఆగస్టు 15 వరకు ఇలాంటి కార్యక్రమాలు విజయవంతంగా నిర్వహిస్తున్నామని అధికార వర్గాలు తెలిపాయి.