తాడిచర్ల-2 బొగ్గు గని: దక్షిణ భారతంలో అతిపెద్దదని కేంద్ర మంత్రి కిషన్ రెడ్డి

కేంద్ర బొగ్గు శాఖ మంత్రి కిషన్ రెడ్డి జయశంకర్ భూపాలపల్లి జిల్లా తాడిచర్లలో మాట్లాడారు. తాడిచర్ల-2 బొగ్గు బ్లాక్ దక్షిణ భారతంలో అతిపెద్ద బొగ్గు గని అని ఆయన పేర్కొన్నారు. దీని నుండి భారీగా ఉపాధి అవకాశాలు, ఆర్థికాభివృద్ధి జరుగుతుందని చెప్పారు.

ప్రస్తుత మార్కెట్ ధరల ప్రకారం ఈ బొగ్గు బ్లాక్ నుండి 1.20 లక్షల కోట్ల రూపాయల టర్నోవర్ వస్తుందని తెలిపారు. దీని వల్ల డ్రైవర్లు, హోటళ్లు, లార్జీలు, రిపేరింగ్ వర్క్‌షాప్‌లు వంటి చిన్న చిన్న వ్యాపారాలకు ప్రోత్సాహం లభిస్తుందన్నారు. ఈ ప్రాంతంలో చిన్న పరిశ్రమలు కూడా వచ్చే అవకాశం ఉందని అన్నారు.

ఇది నరేంద్ర మోడీ ప్రభుత్వం తీసుకున్న పెద్ద నిర్ణయం అని, గ్రామ, పరిసర ప్రాంతాల ప్రజల తరఫున, సింగరేణి తరఫున, తెలంగాణ రాష్ట్రం తరఫున కృతజ్ఞతలు తెలిపారు. తాడిచర్ల-2ను 'బాహుబలి' బొగ్గు గనిగా ఆయన అభివర్ణించారు.