ప్రిన్సిపాల్‌పై లైంగిక వేధింపు ఆరోపణ : కొల్లాపూర్ పీజీ సెంటర్‌లో విద్యార్థి ఫిర్యాదు

కొల్లాపూర్ పీజీ సెంటర్‌లోని ప్రిన్సిపాల్ మార్క్ పొలోనియస్‌పై లైంగిక వేధింపు ఆరోపణలు వచ్చాయి.

ఎంబీఏ 2025 బ్యాచ్ విద్యార్థి రాము సర్టిఫికెట్ల కోసం శనివారం కళాశాలకు వచ్చాడు. ప్రిన్సిపాల్ టీసీ ఇవ్వకుండా, రాత్రి 10 గంటలకు తన గదికి పిలిచి శారీరకంగా మానసికంగా వేధించాడని, సహకరించాలని ఒత్తిడి చేశాడని తోటి విద్యార్థి ఆది ఫిర్యాదులో పేర్కొన్నాడు.

వేధింపు తీవ్రతను తట్టుకోలేక రాము ప్రిన్సిపాల్ శరీర భాగాలపై దాడి చేశాడు. దీంతో ప్రిన్సిపాల్ అక్కడి నుంచి పారిపోయాడు. అనంతరం ఆది కొల్లాపూర్ పోలీస్‌ స్టేషన్‌లో ఫిర్యాదు చేశాడు.

గతంలోనూ ప్రిన్సిపాల్‌పై ఇలాంటి ఆరోపణలు వచ్చాయని, ఉన్నతాధికారులకు సమాచారం అందినా చర్యలు తీసుకోలేదని ఆది ఆరోపించాడు. ప్రిన్సిపాల్‌ను వెంటనే సస్పెండ్ చేసి, రిమాండ్‌కు పంపాలని విద్యార్థులు డిమాండ్ చేస్తున్నారు.