మంగ్లీతో వివాదంపై స్పందించిన కోమలి: 'వివాదం లేదు, ఆమె నా సినిమా కోసం స్నేహంగా పాడారు'

జానపద గాయని కోమలి ఇటీవల గాయని మంగ్లీతో జరిగిన వివాదంపై స్పందించారు. ఆమె మాట్లాడుతూ, తనకు, మంగ్లీకి మధ్య ఎలాంటి వివాదం లేదని స్పష్టం చేశారు.

తన రాబోయే చిత్రంలో ఒక పాట కోసం మంగ్లీని తానే వ్యక్తిగతంగా రిక్వెస్ట్ చేసి, స్టూడియోకు పిలిపించినట్లు వెల్లడించారు. ఆ పాటకు మంగ్లీ గాత్రం మాత్రమే సరిపోతుందని తనకు అనిపించడంతో ఆమెను సంప్రదించానని చెప్పారు. మంగ్లీ ఎలాంటి పారితోషికం తీసుకోకుండా స్నేహపూర్వకంగా పాడారని, ఆమెకు కృతజ్ఞతలు తెలిపారు కోమలి.

కోమలి తన చిత్రం కుటుంబ నేపథ్యంలో సాగే కథ అని, ఆ కథపై నమ్మకంతో నిర్మాత, దర్శకుడు శ్రమించారని చెప్పారు. తాను చిన్న నటిగా చిత్రంలో నటించానని, పెద్ద సిస్టర్ పాత్ర పోషించానని తెలిపారు. ఆర్థిక ఇబ్బందులు ఎదురైనా భర్త ప్రోత్సాహంతో సినిమా పూర్తి చేసినట్లు చెప్పారు.

తెలుగు ప్రేక్షకులు థియేటర్‌లకు వచ్చి చిత్రాన్ని ఆదరించాలని ఆమె కోరారు.