ఫస్ట్ ఫిల్మ్‌కే ఫిల్మ్‌ఫేర్ : మరాఠీ నటుడు క్రిష్ మోరేకు అవార్డు

మరాఠీ నటుడు క్రిష్ మోరే తన తొలి చిత్రం ‘శివాజీ’కి ఫిల్మ్‌ఫేర్ అవార్డు గెలుచుకున్నారు. ఈ అవార్డు తన కెరీర్‌కు మొదటిది కావడంతో చాలా సంతోషంగా ఉందని ఆయన స్పందించారు. “ఇది నా మొదటి సినిమా, మొదటి అవార్డు. చాలా సంతృప్తిగా ఉంది” అని క్రిష్ చెప్పారు. “ప్రత్యేకంగా నా నాన్నకు ధన్యవాదాలు. ఆయనే ఈ సినిమాకు దర్శకుడు. నాకు ఇదొక కొత్త అనుభవం” అని తెలిపారు. ‘శివాజీ’ చిత్రంలో హార్స్ రైడింగ్, బుల్ రైడింగ్ వంటి సన్నివేశాలు తనకు ప్రత్యేక జ్ఞాపకాలుగా మిగిలాయని క్రిష్ పేర్కొన్నారు. "గ్రామంలో బుల్ రైడింగ్ చేసిన సన్నివేశం చాలా మెమరబుల్. ఈ సినిమా చేయడంలో నాకు చాలా మజా వచ్చింది" అని ఆయన వివరించారు. తన తండ్రి దర్శకత్వం వహించిన ఈ చిత్రం ఫిల్మ్‌ఫేర్ వేదికపై గుర్తింపు పొందడం తన జీవితంలో ఒక మధురమైన క్షణమని ఆయన అభిప్రాయపడ్డారు. ఫిల్మ్‌ఫేర్ అవార్డు సంపాదించడం తన డ్రీమ్ అని, అది నెరవేరిందని క్రిష్ ఆనందం వ్యక్తం చేశారు. మరాఠీ చిత్ర పరిశ్రమలో ఔత్సాహిక నటుడిగా ఈ గెలుపు ఎంతో ప్రోత్సాహాన్నిచ్చిందని ఆయన చెప్పారు.