1893లో బ్రిటిష్ పాలకులు నిర్మించిన కృష్ణా రైల్వే వారధి పిల్లర్లు ఇప్పటికీ పటిష్టం

1893 మార్చి నెలలో బ్రిటిష్ పాలకులు బెజవాడ (విజయవాడ) వద్ద కృష్ణా నదిపై దాదాపు 3 కిలోమీటర్ల పొడవున రైల్వే వంతెనను నిర్మించారు. ఈ వంతెన నిర్మాణం జరిగి ఇప్పుడు 120 సంవత్సరాలు పూర్తయ్యాయి. వంతెన పిల్లర్లు ఇప్పటికీ పటిష్టంగా ఉన్నాయి.

దక్షిణ భారతదేశాన్ని కోల్‌కతా, ముంబై వంటి ప్రధాన నగరాలతో రైలు మార్గం ద్వారా కలపడానికి ఈ వంతెనను నిర్మించారు. నాటి బ్రిటిష్ ప్రభుత్వ ఆధ్వర్యంలోని మద్రాస్ అండ్ సదరన్ మరాఠా రైల్వే ఈ నిర్మాణం చేపట్టింది. మొదట రవాణా అవసరాలకే ఈ వంతెన వాడారు. తర్వాతి కాలంలో ప్రజా రవాణాకూ ఇది ఉపయోగపడింది. ఈ వంతెన వల్ల విజయవాడ దక్షిణ భారతదేశానికి ప్రధాన రైల్వే జంక్షన్‌గా మారింది.

ఆ కాలంలో సిమెంట్ అందుబాటులో లేదు. అందుకే నదిలో భారీ రాతి బండలను అమర్చారు. బెల్లం, కాకరకాయ వంటి పదార్థాలను కలిపి తయారు చేసిన గానుగ సున్నం ఉపయోగించి పిల్లర్లను నిర్మించారు. సిమెంట్, ఇనుము లేకుండా చేసిన ఈ పిల్లర్లు శతాబ్దం పైగా అనేక వరదలను తట్టుకుని నిలిచాయి.

వంతెన పాతబడడంతో పక్కన రెండు కొత్త రైలు వంతెనలను నిర్మించి వాటిని ఉపయోగిస్తున్నారు. పాత పిల్లర్లను కూల్చేందుకు అధికారులు బుల్‌డోజర్లు, మిషన్లతో ప్రయత్నించారు. అయినా పిల్లర్లు పగలలేదు. సిమెంట్, ఇనుము లేకుండా నిర్మించిన పిల్లర్లు ఇప్పటికీ పటిష్టంగా ఉన్నాయని అధికారులు చెప్తున్నారు.