శ్రీకాకుళంలో మహేంద్రతనయ నది వరద ఉధృతి.. పాతపట్నం, మెలియాపుట్టిలో రాకపోకలు స్తంభన

శ్రీకాకుళం జిల్లాలో మహేంద్రతనయ నది వరద ఉధృతి పెరిగింది. గత రాత్రి కురిసిన భారీ వర్షాలతో నదిలో నీటి ప్రవాహం పెరిగింది. దీంతో పాతపట్నం, మెలియాపుట్టి మండలాల్లో రాకపోకలు పూర్తిగా నిలిచిపోయాయి.

పలు కాజ్‌వేలపైకి వరద నీరు చేరింది. దీంతో ఆంధ్రా-ఒడిశా మధ్య రవాణాకు తీవ్ర అంతరాయం ఏర్పడింది. ఆ మార్గాల్లో వాహనాల రాకపోకలను నిలిపివేశారు.

వందలాది ఎకరాల్లో పంట పొలాలు నీట మునిగే ప్రమాదం ఉంది. దీంతో రైతులు ఆందోళన చెందుతున్నారు.

గంట గంటకు వరద ఉధృతి పెరుగుతోంది. నదీ పరివాహక ప్రాంతాల ప్రజలు భయాందోళనలో ఉన్నారు.