లాల్ దర్వాజా బోనాల ఉత్సవాలు రేపటి నుంచి ప్రారంభం; 3 లక్షల మంది భక్తులు రావొచ్చు

హైదరాబాద్‌లోని లాల్ దర్వాజా సింహవాహిని మహంకాళి అమ్మవారి ఆలయంలో బోనాల ఉత్సవాలు రేపు ప్రారంభం కానున్నాయి. ఆలయాన్ని రంగురంగుల లైట్లతో అలంకరించారు.

ఉదయం 4 గంటలకు అమ్మవారికి అభిషేకం, ప్రత్యేక పూజలు జరుగుతాయి. ఆలయం తరఫున తొలి బోనం సమర్పిస్తారు. ఉదయం 6 గంటల నుంచి భక్తులకు దర్శనం లభిస్తుంది. మంత్రులు పొన్నం ప్రభాకర్, కొండా సురేఖ అమ్మవారికి పట్టు వస్త్రాలు సమర్పించనున్నారు.

భక్తులు బోనాలు, ఒడిబియ్యం, చీరసారెలు సమర్పిస్తారు. రాత్రి 10:30 గంటలకు శాంతి కళ్యాణం నిర్వహిస్తారు. గత ఏడాది కంటే ఈసారి దాదాపు 3 లక్షల మంది భక్తులు హాజరవుతారని అంచనా. భక్తుల కోసం 6 క్యూ లైన్లు ఏర్పాటు చేశారు. విఐపీలకు ప్రత్యేక బ్లాక్ ఉంటుంది.

భద్రత కోసం 3,000 మంది పోలీసులను, సీక్రెట్ కెమెరాలను ఏర్పాటు చేశారు. పాతబస్తీలోని 3,000 ఆలయాల్లో బోనాల ఉత్సవాలు జరుగుతాయి. డప్పుల దరువులు, పోతరాజుల ఆటలు, శివసత్తుల శిగాలతో ఉత్సవాలు కొనసాగుతాయి.