లాల్ దర్వాజా సింహవాహిని మహంకాలి ఆలయంలో బోనాల ఉత్సవాలు ప్రారంభం

హైదరాబాద్ పాతబస్తీలోని లాల్ దర్వాజా సింహవాహిని మహంకాలి అమ్మవారి ఆలయంలో బోనాల ఉత్సవాలు శుక్రవారం ప్రారంభమయ్యాయి.

ఆలయ అర్చకులు ఉదయం 7 గంటలకు అమ్మవారి అభిషేకం, ధ్వజారోహణ, శిఖర పూజతో ఈ నవరాత్రి ఉత్సవాలు మొదలుపెట్టారు. పోలీస్ కమిషనర్, మున్సిపల్ కమిషనర్ హాజరై ప్రసాదం స్వీకరించారు. ఈ ఉత్సవాలు తొమ్మిది రోజుల పాటు కొనసాగుతాయి.

ప్రతి రోజు ప్రత్యేక పూజలు జరుగుతాయి. ఇందులో కలశ స్థాపన, అక్షతార్చన, లక్ష బిల్వార్చన, దీపోత్సవం, శాకాంబరి, కుంకుమార్చన, చండీ హవనం ఉన్నాయి. 10వ రోజున భక్తులు ఇంటి నుంచి బోనాలు తీసుకొచ్చి అమ్మవారికి సమర్పిస్తారు. ఆ రోజు సాయంత్రం శాంతి కల్యాణోత్సవం నిర్వహిస్తారు.

ఎండోమెంట్ అధికారులు, పోలీసులు, జీహెచ్ఎంసీ సిబ్బంది భక్తుల రద్దీకి అనుగుణంగా క్యూ లైన్లు, బారికేడ్లు ఏర్పాటు చేశారు. భక్తులు కుంకుమ, కొబ్బరికాయ, పూలు, పళ్లు తీసుకొస్తే అర్చనలు చేసి ప్రసాదం ఇస్తారు. ఈ పూజకు పెద్దగా ఖర్చు ఉండదని అర్చకులు తెలిపారు.

బోనాల పండుగలో భాగంగా సోమవారం పోతరాజు వస్తాడు. ఉత్సవ విగ్రహం తిరిగి తీసుకెళ్లడంతో ఉత్సవాలు ముగుస్తాయి.