హవాయిలో లాలా తుఫాను: 100 ఇళ్లు కొట్టుకుపోయాయి, విద్యుత్ సరఫరా నిలిచిపోయింది

హవాయి దీవులను 'లాలా' తుఫాను తీవ్రంగా ప్రభావితం చేస్తోంది. బిగ్ ఐలాండ్‌లో వరదల కారణంగా దాదాపు 100 ఇళ్లు కొట్టుకుపోయాయి. వరద నీటిలో చిక్కుకున్న ఇద్దరు పారామెడికల్ సిబ్బందిని సహాయక బృందాలు కాపాడాయి.

పలు ప్రాంతాల్లో రోడ్లపై కొండచరియలు విరిగిపడి రాకపోకలు నిలిచిపోయాయి. బిగ్ ఐలాండ్ ఎత్తైన ప్రాంతాల్లో 89 సెంటీమీటర్ల వర్షపాతం నమోదైంది. లక్షల సంఖ్యలో ఇళ్లు, వాణిజ్య సముదాయాలకు విద్యుత్ సరఫరా నిలిచిపోయింది.

హవాయి గవర్నర్ మాట్లాడుతూ రోడ్లు, చిన్న వంతెనలు దెబ్బతినడంతో సహాయక చర్యలకు ఆటంకం ఏర్పడిందని తెలిపారు. వాతావరణం సాధారణ స్థితికి వచ్చే వరకు ప్రజలు ఇళ్లలోనే ఉండాలని ఆయన సూచించారు.

అమెరికా వాతావరణ శాఖ ప్రకారం, లాలా తుఫాను హోనోలులుకు పశ్చిమంగా 220 కిలోమీటర్ల దూరంలో కేంద్రీకృతమై ఉంది. ఇది గంటకు 28 కిలోమీటర్ల వేగంతో పశ్చిమ-వాయవ్య దిశగా కదులుతోంది.