లలితా జ్యువెలరీ మార్ట్ ₹1,700 కోట్ల IPO ప్రకటించింది

లలితా జ్యువెలరీ మార్ట్ ₹1,700 కోట్ల IPO తీసుకురానున్నట్లు ప్రకటించింది. కంపెనీ చైర్మన్ కిరణ్ కుమార్ అహ్మదాబాద్‌లో జరిగిన కార్యక్రమంలో ఈ వివరాలు తెలిపారు.

దక్షిణ భారతదేశంలో ఈ సంస్థ తెలంగాణ, ఆంధ్రప్రదేశ్, కర్ణాటక, తమిళనాడు, పుదుచ్చేరిలో మొత్తం 61 స్టోర్లు నిర్వహిస్తోంది. కంపెనీ ఈ IPO ద్వారా మార్కెట్ నుంచి ₹1,700 కోట్లు సమీకరించనుంది.

పబ్లిక్ ఇష్యూలో ₹1,200 కోట్ల విలువైన కొత్త షేర్లు, ₹500 కోట్ల ఆఫర్ ఫర్ సేల్ ఉన్నాయి. ఒక్కో షేర్ ధర ₹190–₹201 గా నిర్ణయించారు. ఒక లాట్‌లో 74 షేర్లు ఉంటాయి.

ఆగస్టు 14న యాంకర్ ఇన్వెస్టర్లకు బిడ్డింగ్ ప్రారంభమవుతుంది. ఆగస్టు 17 నుంచి 19 వరకు సబ్‌స్క్రిప్షన్ అందుబాటులో ఉంటుంది. మొత్తం మార్కెట్ విలువ ₹11,250 కోట్లుగా అంచనా వేశారు. IPO నిధులను స్టోర్ల విస్తరణ, రిటైల్ నెట్‌వర్క్ పెంపునకు వాడనున్నారు. ఆగస్టు 24న షేర్లు పబ్లిక్ ట్రేడింగ్‌కు అందుబాటులోకి వస్తాయని చైర్మన్ తెలిపారు.