లష్కర్ బోనాల్లో రంగం వేడుక, పచ్చికుండపై నిలబడి భవిష్యవాణి చెప్పిన మాతంగి స్వర్ణలత

సికింద్రాబాద్‌లోని లష్కర్ బోనాల్లో సోమవారం ఉదయం రంగం వేడుక జరిగింది. మాతంగి స్వర్ణలత మంకాళమ్మ ఆలయంలో పచ్చికుండపై నిలబడి భవిష్యవాణి చెప్పారు.

మంకాళమ్మ ఆలయంలో ఈ ఏడాది బోనాల ఉత్సవాలకు మంత్రులు హాజరై ప్రత్యేక పూజలు నిర్వహించారు. భక్తులకు ఇబ్బందులు రాకుండా ఏర్పాట్లు చేసినట్లు మంత్రులు తెలిపారు.

రంగం అనంతరం స్వర్ణలత మాట్లాడుతూ, ‘రంగం ఎక్కినప్పుడు నాకు ఏమని చెప్తానో తెలియదు. తర్వాత యూట్యూబ్‌లో చూస్తేనే అర్థమవుతుంది. ఆ సమయంలో అమ్మవారే వాక్కు చెప్తుందని భక్తుల నమ్మకం’ అని చెప్పారు.

మాతంగి సంప్రదాయంలో పెళ్లి చేసుకోకుండా అమ్మవారికి జీవితాన్ని అంకితం చేస్తారని, కత్తి పట్టుకుంటారని ఆమె వివరించారు. పచ్చికుండ ముట్టుకుంటే విరిగిపోతుందని, కానీ అమ్మవారి మహిమ వల్ల దానిపై నిలబడినా విరగదని తెలిపారు. గత 30 ఏళ్లుగా తాను ఈ సంప్రదాయం కొనసాగిస్తున్నానని, తన తర్వాత తమ్ముడి పిల్లలు ఈ బాధ్యత తీసుకుంటారని చెప్పారు.

ఈ నెల 2వ తేదీన కోనాల పండుగ, 3వ తేదీన మళ్లీ రంగం ఎక్కుతామని, ఇతర ప్రాంతాల నుంచి కూడా పిలుపులు వస్తాయని స్వర్ణలత చెప్పారు.