లష్కర్ బోనాలకు 2,500 మంది పోలీసులతో భద్రత; సీపీ సజ్జనార్ సందర్శన

సికింద్రాబాద్‌లోని ఉజ్జయిని మహంకాళి ఆలయంలో లష్కర్ బోనాలు అంగరంగ వైభవంగా కొనసాగుతున్నాయి. భక్తులు పెద్దసంఖ్యలో తరలివచ్చి అమ్మవారికి బోనం సమర్పించుకుంటున్నారు.

హైదరాబాద్ సిటీ పోలీస్ కమిషనర్ సజ్జనార్ కుటుంబంతో కలిసి ఆలయాన్ని సందర్శించి ప్రత్యేక పూజలు నిర్వహించారు. అనంతరం ఆయన మాట్లాడుతూ, పండుగ సందర్భంగా 2,500 మంది పోలీసు సిబ్బందిని మోహరించామని తెలిపారు.

మహిళలు, ఆడపిల్లలు ఎక్కువగా వస్తున్నందున వారి భద్రత కోసం 25 మంది షీ టీమ్‌లు, క్రైమ్ టీమ్‌లు పని చేస్తున్నాయి. ట్రాఫిక్ నిర్వహణతోపాటు చైన్ స్నాచర్లు, మొబైల్ స్నాచర్లపై నిఘా కోసం ఏఐ టెక్నాలజీని తొలిసారిగా వినియోగిస్తున్నామని సజ్జనార్ వివరించారు.

ముఖ్యమంత్రి రేవంత్ రెడ్డి కూడా కాసేపట్లో ఆలయానికి రానున్న నేపథ్యంలో స్పెషల్ బందోబస్తు ఏర్పాటు చేశామన్నారు. డీసీపీ రక్షిత ఆధ్వర్యంలో ఏర్పాట్లు జరిగాయని చెప్పారు.

రాష్ట్ర ప్రజలకు, నగర వాసులకు బోనాల పండుగ శుభాకాంక్షలు తెలిపిన సజ్జనార్, అందరూ సురక్షితంగా, ఆరోగ్యంగా ఉండాలని ఆకాంక్షించారు.