హైదరాబాద్‌లో తెల్లవారుజాము నుంచి వర్షం, పలు ప్రాంతాల్లో నీటి నిల్వ

హైదరాబాద్‌లో తెల్లవారుజాము నుంచి పలు ప్రాంతాల్లో తేలికపాటి వర్షం కురిసింది. బంజారా హిల్స్, ఫిలిం నగర్, యూసఫ్‌గూడాలో చిన్నపాటి వాన పడింది.

కొంపల్లి, బోయినపల్లి, బేగంపేట, సోమాజిగూడ ప్రాంతాల్లో మాత్రం జోరుగా వర్షం కురిసింది. జూబ్లీ హిల్స్, పంజాగుట్ట, మాసబ్ ట్యాంక్‌లో కూడా వర్షం పడటంతో రోడ్లపై నీరు నిలిచిపోయింది.

రోడ్లపై నీరు నిలిచి ఉండటంతో వాహనాలు నెమ్మదిగా కదులుతున్నాయి. ప్రధాన జంక్షన్ల దగ్గర ట్రాఫిక్ జామ్ కూడా అవుతోంది. సిటీ శివారు ప్రాంతాల్లోనూ వాన కురిసింది.