₹44 వేల లోపే లైట్ వెయిట్ బంగారు హారాలు: 9 క్యారెట్ నగలకు డిమాండ్

₹44,000 లోపే బంగారు హారాలు అందుబాటులో ఉన్నాయి. ఇవి లైట్ వెయిట్ గోల్డ్ జ్యువెలరీ విభాగంలో లభిస్తున్నాయి. సాధారణ బరువు హారంతో పోలిస్తే ధరలో లక్ష రూపాయలకు పైగా తేడా ఉంటుంది.

ఈ ఆభరణాలు 9, 14, 18 క్యారెట్ల బంగారంలో దొరుకుతున్నాయి. 14 క్యారెట్ నగలు ₹8,000 నుంచి మొదలవుతాయి. 18 క్యారెట్ నగలు ₹10,000 నుంచి అందుబాటులో ఉన్నాయి.

హారాలు, ఇయర్ రింగ్స్, బ్రాస్లెట్స్ నాలుగు గ్రాముల లోపు బరువులో కొనొచ్చు. బీట్స్ జోడించి నగలను కస్టమైజ్ చేసుకునే సౌకర్యం ఉంది. కనీసం ₹2,500 నుంచే మినిమల్ జ్యువెలరీ లభిస్తోంది.

బంగారం ధర రోజురోజుకూ పెరుగుతోంది. దీంతో పూర్తి బరువు నగలు కొనడం చాలా మందికి భారమవుతోంది. ఈ నేపథ్యంలో లైట్ వెయిట్ నగలపై ఆసక్తి పెరిగిందని జ్యువెలరీ వ్యాపారులు తెలిపారు.

కేంద్ర ప్రభుత్వం 9 క్యారెట్ బంగారానికి హాల్మార్క్ ప్రకటించింది. ఆ తర్వాత 9 క్యారెట్ నగలకు మంచి స్పందన వస్తోందని వ్యాపారులు చెప్తున్నారు. ఒకే డిజైన్‌ను 9 క్యారెట్‌లో తయారు చేస్తే ధర బాగా తగ్గుతుందని వారు వివరించారు.

యువత, ఉద్యోగులు డైలీ వేర్ కోసం స్లీక్ చైన్స్ ఎక్కువగా ఎంచుకుంటున్నారు. ఇంతకుముందు 22 క్యారెట్ నగలే ఎక్కువగా కొనేవారని వ్యాపారులు తెలిపారు. ఇప్పుడు మధ్యతరగతి కుటుంబాలు కూడా తక్కువ క్యారెట్ నగల వైపు ఆసక్తి చూపిస్తున్నాయి.