ప్రతిపక్షాల నినాదాల మధ్య లోక్సభలో రెండు కీలక బిల్లులు ఆమోదం

ప్రతిపక్షాల నినాదాలు, గందరగోళం మధ్య, ఎలాంటి చర్చ లేకుండానే లోక్సభ ఇవాళ రెండు ముఖ్యమైన బిల్లులను ఆమోదించింది. అనంతరం సభ శుక్రవారానికి వాయిదా వేయబడింది.

ఉదయం 11 గంటలకు ప్రారంభమైన సభలో విపక్ష ఎంపీలు అయోధ్య రామమందిరంలో కానుకల చోరీ, విద్యార్థులపై పోలీసుల చర్యపై హోమ్ మంత్రి అమిత్ షా సమాధానం ఇవ్వాలని డిమాండ్ చేస్తూ ఆందోళనకు దిగారు. నినాదాలతో సభలో శాంతి లేకపోవడంతో ప్రశ్నోత్తరాల కార్యక్రమం రద్దు చేసి స్పీకర్ సభను మధ్యాహ్నం 2 గంటల వరకు వాయిదా వేశారు.

మధ్యాహ్నం సభ తిరిగి సమావేశమైనా పరిస్థితి మారలేదు. అయినప్పటికీ ప్రభుత్వం టాక్సేషన్ ఇతర చట్ట సవరణ బిల్లు, పేమెంట్ అండ్ సెటిల్మెంట్ సిస్టమ్స్ చట్ట సవరణ బిల్లును సభలో ప్రవేశపెట్టింది. నినాదాల నడుమే వీటిని మూజువాణి ఓటుతో ఆమోదించినట్లు స్పీకర్ ప్రకటించారు.

పేమెంట్ సవరణ బిల్లులో UPI, RuPay తదితర డిజిటల్ చెల్లింపు విధానాలపై జీరో MDR విధానానికి చట్టపరమైన వెసులుబాటు కల్పించారు. అదనంగా, ఏ డిజిటల్ చెల్లింపులు ఉచితంగా ఉండాలో నోటిఫికేషన్ ద్వారా నిర్ణయించే అధికారం కేంద్ర ప్రభుత్వానికి ఇవ్వబడింది.