అల్లు అర్జున్ నిర్మాతగా లోకేష్ కనగరాజ్ దర్శకత్వంలో సినిమా.. సూర్య, కార్తీ స్పందన

డైరెక్టర్ లోకేష్ కనగరాజ్ నటించిన ‘డీసీ’ చిత్రం ఈ వారం రిలీజ్ కానుంది. దీని తర్వాత ఆయన పూర్తి స్థాయిలో దర్శకత్వం వైపు దృష్టి పెట్టనున్నారు. తాజాగా అల్లు అర్జున్ తన స్నేహితులతో కలిసి లోకేష్ దర్శకత్వంలో ఓ పాన్‌-ఇండియా చిత్రాన్ని నిర్మిస్తున్నట్లు ప్రకటించారు. ఈ సినిమా షూటింగ్ ఈ ఏడాదే ప్రారంభం కానుందని అల్లు అర్జున్ స్వయంగా స్పష్టత ఇచ్చారు.

అయితే లోకేష్ కొత్త సినిమాపై దృష్టి పెట్టడంతో, గతంలో ఆయన ప్రకటించిన సీక్వెల్స్‌పై అనిశ్చితి నెలకొంది. కార్తీ నటించిన ‘ఖైదీ’ సీక్వెల్, సూర్య నటించే ‘విక్రమ్-2’ (రోలెక్స్) సినిమాల విషయంలో లోకేష్ నుంచి హీరోలకు ఎలాంటి అప్‌డేట్ లేదు. ఈ విషయమై సూర్యని ప్రశ్నించగా, ‘అది లోకేష్‌కే తెలియాలి’ అని చెప్పి తేలికగా తీసుకున్నారు. గతంలో కార్తీ కూడా ఇదే స్పందన ఇచ్చారు. సీక్వెల్స్ గురించి లోకేష్ కనీస సమాచారం ఇవ్వకపోవడం తమను నిరాశపరిచిందని ఇద్దరు హీరోలు చెప్పుకుంటున్నట్లు కోలీవుడ్ వర్గాల్లో చర్చ జరుగుతోంది.

లోకేష్ ఇటీవల రజినీకాంత్ తో ‘కూలి’ సినిమా పూర్తి చేశారు. ఇప్పుడు అల్లు అర్జున్ సినిమాకు కమిట్ కావడంతో ‘ఖైదీ-2’, ‘విక్రమ్-2’ వాయిదా పడ్డాయి. అల్లు అర్జున్ ప్రాజెక్ట్ తర్వాత లోకేష్ తిరిగి సీక్వెల్స్ పై దృష్టి పెట్టొచ్చని భావిస్తున్నారు.