ఎండలతో లోయర్ మానేరు డ్యామ్ నీటి మట్టం తగ్గి ఒడ్డు బయటపడింది; బీచ్‌ను తలపించే దృశ్యం

కరీంనగర్: వేసవి ఎండలతో లోయర్ మానేరు డ్యామ్ నీటి మట్టం గణనీయంగా తగ్గిపోయింది. డ్యామ్‌లో నీళ్లు తగ్గడంతో ఇసుక ఒడ్డులు బయటపడ్డాయి. ప్రస్తుతం ఈ ప్రాంతం ఒక సముద్ర తీరాన్ని తలపించేలా కనిపిస్తోంది.

దీంతో ఈ ప్రాంతాన్ని చూసేందుకు పర్యాటకులు, స్థానికులు పెద్ద ఎత్తున తరలి వస్తున్నారు. చాలా మంది ఇక్కడ ఫోటోలు తీసుకుంటూ, రీల్స్ చేస్తూ ఆనందంగా గడుపుతున్నారు. పిల్లలు కూడా ఇసుకలో ఆడుతున్నారు.

వర్షాలు కురిస్తే డ్యామ్‌కు నీటి ఇన్‌ఫ్లో పెరిగి మళ్లీ నిండుతుంది. అప్పుడు ఈ బీచ్ లాంటి దృశ్యం కనుమరుగవుతుంది. ప్రస్తుతానికి మాత్రం కరీంనగర్ వాసులు ఈ ప్రకృతి వింతను ఆస్వాదిస్తున్నారు.