మడకసిరలో ఎల్వీ ప్రసాద్ కంటి ఆసుపత్రి రికార్డు: 8 నెలల్లో 25 వేల కంటి చికిత్సలు

శ్రీ సత్యసాయి జిల్లా మడకసిర మండలం నీలకంఠాపురంలోని ఎల్వీ ప్రసాద్ కంటి ఆసుపత్రి 8 నెలల్లో 25,000 మందికి కంటి చికిత్సలు అందించింది. అదే సమయంలో 1,000 మందికి కంటి శస్త్ర చికిత్సలు కూడా చేసినట్లు ZPTC సభ్యుడు రఘువీరా రెడ్డి తెలిపారు.

ఈ సందర్భంగా ఆసుపత్రి వైద్యులు, సిబ్బందిని శాలువాలతో సత్కరించారు. ఆసుపత్రి ఆవరణలో కేక్ కట్ చేసి మైలురాయిని ఘనంగా జరుపుకున్నారు.

దాతలు అందించిన 14 లక్షల రూపాయల విలువైన కొత్త అంబులెన్స్‌ను ఈ సందర్భంగా రఘువీరా రెడ్డి ప్రారంభించారు. ఆయన మాట్లాడుతూ ఆసుపత్రి చేపట్టిన సేవలు గొప్పవని, ప్రజల నుంచి అనూహ్య స్పందన వస్తోందని అన్నారు.