వ్యర్థాలతో సౌర వాహనం తయారు చేసిన మహారాష్ట్ర ఇంజనీర్

మహారాష్ట్రలోని అహిల్యానగర్ జిల్లా కోల్హార్ భగవతీపూర్ గ్రామానికి చెందిన యువ ఇంజనీర్ పవన్ కర్ే, వ్యర్థ పదార్థాలు, పాత సోలార్ ప్యానల్ సాయంతో సౌరశక్తితో నడిచే మూడు చక్రాల వాహనాన్ని రూపొందించాడు.

కేవలం రూ.11,000 ఖర్చుతో తయారైన ఈ వాహనం, బ్యాటరీతో పాటు సౌరశక్తితోను పనిచేస్తుంది. బ్యాటరీ శక్తి తగ్గినా వాహనం ఆగిపోకుండా 540 వాట్ల సోలార్ ప్యానల్ అమర్చారు. దీనివల్ల బ్యాటరీ సాయంతో 8 కిలోమీటర్లు, సోలార్ ప్యానల్ సాయంతో 50 నుంచి 60 కిలోమీటర్ల వరకు ప్రయాణించవచ్చునని పవన్ తెలిపాడు.

పెట్రోల్, డీజిల్ కొరత సమయంలో ఈ వాహనం ప్రయాణికులకు ఎంతగానో ఉపయోగపడుతుందని పవన్ అభిప్రాయపడ్డాడు. ప్రస్తుతం ఈ వాహనం స్థానిక ప్రజల దృష్టిని ఆకర్షిస్తోంది.