మంచిరాల్‌లో సమిష్టి కృషితో పునరుద్ధరించిన సర్కార్ బడి

మంచిరాల్ జిల్లా లక్షెట్టిపేట మండలం కొత్త కొమ్ము గూడెం గ్రామంలోని ప్రభుత్వ ప్రాథమిక పాఠశాల పూర్తి స్థాయిలో పునరుద్ధరించబడింది.

గతంలో ఈ పాఠశాల శిథిలావస్థలో ఉండేది. వర్షాలకు గోడలు పెచ్చులు ఊడిపోయి, పైకప్పు బలహీనంగా ఉండేది. పిల్లలు రావడం నిలిచిపోయింది. ఈ విషయం వార్తల్లో ప్రసారం అయిన తర్వాత, స్పందించిన స్థానికులు, మాజీ విద్యార్థులు, దాతలు పాఠశాలను బాగు చేసే పనులు చేపట్టారు.

మంచిరాల్ ఎమ్మెల్యే ప్రేమ్‌సాగర్ రావు, పూర్వ విద్యార్థుల ఆధ్వర్యంలో దాతలు ముందుకు వచ్చి గోడల మరమ్మత్తు, రంగులు వేయించడం, ప్రహారీ గోడ నిర్మాణం చేశారు. పిల్లలను ఆకర్షించేలా రంగుల బొమ్మలు కూడా వేయించారు.

గ్రామ సర్పంచ్, వార్డు సభ్యులు తల్లిదండ్రులను కలిసి, తమ పిల్లలను ప్రభుత్వ పాఠశాలలోనే చేర్చాలని ప్రోత్సహించారు. దాంతో పిల్లల సంఖ్య పెరిగింది. పూర్వ విద్యార్థులు, దాతలు స్వచ్ఛందంగా డెస్క్‌లు, బెంచీలు సమకూర్చారు.

లక్షెట్టిపేట ఎస్‌ఐ, ఎంఈఓ అధికారులు హాజరై రిబ్బన్ కటింగ్ చేసి బెంచీలను ప్రారంభించారు. ఇకపై విద్యార్థులకు నాణ్యమైన విద్య అందించి, ప్రభుత్వ పాఠశాలపై నమ్మకాన్ని పెంచుతామని ఉపాధ్యాయులు తెలిపారు.