E20 ఇంధనం వల్ల కారు డ్యామేజ్: మారుతీ సుజుకీకి రూ.20 లక్షల జరిమానా

రాయ్‌పూర్: ఒక వినియోగదారుడు 2024లో కొనుగోలు చేసిన మారుతీ కారు E20 ఇంధనం వల్ల డ్యామేజ్ అయిన కేసులో, జిల్లా వినియోగదారుల కోర్టు మారుతీ సుజుకీ ఇండియాకు రూ.20 లక్షల జరిమానా విధించింది. డీలర్‌తో పాటు కంపెనీ ఈ శిక్షను ఎదుర్కొంది. ఇలాంటి కేసులో తీర్పు రావడం దేశంలో ఇదే తొలిసారి.

వినియోగదారుడు 2024లో కారు కొనుగోలు చేసినప్పుడు డీలర్ దాని తయారీ తేదీ డిసెంబర్ 2024గా చెప్పాడు. కానీ నిజానికి ఆ కారు జనవరి 2024లో తయారైంది. కొనుగోలు చేసిన ఐదు నెలల్లోనే కారు పదేపదే డ్యామేజ్ కావడం, సర్వీస్ సెంటర్లకు అనేక సార్లు వెళ్లినా సమస్య తీరకపోవడంతో ఆయన కోర్టును ఆశ్రయించాడు. 2029 వరకు వారంటీ, 1 లక్ష కి.మీ. హామీ ఉన్నా, 25,000 కి.మీ.లోపే నష్టాలు మొదలయ్యాయి.

E20 బ్లెండెడ్ పెట్రోల్ వల్లే ఈ డ్యామేజ్ జరిగినట్లు వినియోగదారుడు వాదించగా, కోర్టు కంపెనీ ప్రవర్తనపై అసహనం వ్యక్తం చేస్తూ జరిమానా విధించింది. అయితే, E20 ఇంధనం అన్ని మారుతీ వాహనాలకు ప్రమాదకరమని ఈ తీర్పు సాధారణ ప్రకటన కాదని, ఇది ఒక్కో కేసు ఆధారంగా మాత్రమేనని కోర్టు స్పష్టం చేసింది. ఇలాంటి సమస్యలు ఎదుర్కొంటున్న ఇతర వినియోగదారులు తమ జిల్లా కన్స్యూమర్ కోర్టులను సంప్రదించేలా ఈ తీర్పు ప్రోత్సాహం కల్పిస్తుందని న్యాయ నిపుణులు అభిప్రాయపడ్డారు.