ఉజ్జయినీ మహంకాళి జాతర: భక్తులకు 5 వైద్య శిబిరాలు, 5 అంబులెన్సులు సిద్ధం

సికింద్రాబాద్‌లోని ఉజ్జయినీ మహంకాళి ఆలయంలో లష్కర్ బోనాల ఉత్సవం 2026 సందర్భంగా భక్తులకు వైద్య సదుపాయాలు పెంచారు. జాతరలో ఐదు వైద్య శిబిరాలు, ఐదు అంబులెన్సులు సిద్ధంగా ఉంచినట్లు వైద్యాధికారులు తెలిపారు.

జనరల్ ఫిజీషియన్లు, కార్డియాలజిస్టులు, గైనకాలజిస్టులు వంటి నిపుణులు అందుబాటులో ఉన్నారు. అన్ని రకాల ఎమర్జెన్సీ మందులు, టీకాలు కూడా సిద్ధంగా ఉన్నాయి. గతేడాది జాతరలో భక్తులకు ఫిట్స్ (మూర్ఛ) కేసులు ఎక్కువగా నమోదవడంతో ఈసారి ప్రత్యేక జాగ్రత్తలు తీసుకున్నారు.

పోలీస్ స్టేషన్, రామగోపాల్పేట్, బాటా, అంజలి థియేటర్, ఆలయం లోపల ఐదు చోట్ల శిబిరాలు ఏర్పాటు చేశారు. ప్రతి శిబిరంలో ఐదుగురు డాక్టర్లు, సిబ్బంది మూడు షిఫ్టుల్లో పనిచేస్తారు. తీవ్రమైన కేసులు నమోదైతే సమీపంలోని ఆస్పత్రులకు రిఫర్ చేస్తామని, ప్రైవేటు ఆస్పత్రులను కూడా అప్రమత్తం చేసినట్లు అధికారులు తెలిపారు. ఐదు అంబులెన్సుల్లో మూడు అడ్వాన్స్డ్ లైఫ్ సపోర్ట్ సౌకర్యం కలిగి ఉన్నాయి.