మేనకా గురుస్వామి రాజ్యసభలో విమర్శ: న్యాయ నియామకాలు, సెన్సార్షిప్పై ఆరోపణలు

TMC రాజ్యసభ సభ్యురాలు, సీనియర్ న్యాయవాది మేనకా గురుస్వామి బుధవారం రాజ్యసభలో ప్రభుత్వంపై తీవ్ర విమర్శలు చేశారు. న్యాయమూర్తుల నియామకాల్లో వివక్ష, ప్రతిపక్ష స్వేచ్ఛను అణచివేయడం, జమ్మూ కాశ్మీర్ రద్దు వంటి అంశాలపై ఆమె మోడీ ప్రభుత్వాన్ని నిలదీశారు.

ఎస్సీ, ఎస్టీ, మైనారిటీ వర్గాలకు చెందిన వారిని జడ్జిలుగా నియమించడం లేదని, కేవలం తమ భావాలతో ఏకీభవించే వారినే ఎంపిక చేస్తున్నారని మేనకా ఆరోపించారు. ‘హోం మంత్రిని న్యాయస్థానానికి తీసుకురండి’ అని సవాల్ విసిరారు.

ప్రభుత్వం పార్లమెంటు బయట ప్రజాస్వామ్యాన్ని నాశనం చేస్తోందని, జమ్మూ కాశ్మీర్ విషయంలో చూపిన తీరును దేశంలోని ఏ రాష్ట్రానికైనా వర్తింపజేయొచ్చని ఆమె హెచ్చరించారు.

సభలో తమకు నచ్చని విషయాలు చెప్పినప్పుడు మైక్లు ఆఫ్ చేయించడం, సెన్సార్ విధించడం ద్వారా ప్రతిపక్షాన్ని మూగబోయిస్తున్నారని మేనకా ఆగ్రహం వ్యక్తం చేశారు. ‘మేము ప్రతిపక్షంగా మీపై విమర్శలు చేయడం, సమస్యలను లేవనెత్తడం మా విధి. కానీ మీరు దాన్ని భరించలేకపోతున్నారు’ అని అన్నారు.

ప్రజల డబ్బుతో నడిచే ప్రజాస్వామ్య సంస్థ అయిన పార్లమెంటును ‘శిథిలాలుగా’ మారుస్తున్నారని ఆమె ఆవేదన వ్యక్తం చేశారు. గతంలో సుప్రీంకోర్టు న్యాయవాదిగా వ్యవహరించిన మేనకా, న్యాయమూర్తుల నియామక ప్రక్రియపై తరచూ విమర్శలు చేస్తూనే ఉన్నారు.