బుధుడి కర్కాటక సంక్రమణం, చాముండేశ్వరి జయంతి: నేడు ప్రత్యేక పూజలు

గ్రహ సంచారాల ప్రకారం బుధుడు కర్కాటక రాశిలోకి ప్రవేశించిన సందర్భంగా నేడు (బుధవారం) బుధ సంక్రమణం జరుగుతోంది. ఈ రోజు మైసూరు చాముండేశ్వరి జయంతి కూడా కావడంతో భక్తులు ప్రత్యేక ఆచారాలు పాటిస్తారు.

జ్యోతిష్య విశ్వాసాల ప్రకారం, బుధవారం ఉదయం స్నానం చేసి ఉత్తర దిక్కున గడప మట్టి ప్రమిదలో ఆవునెయ్యి పోసి ఐదు ఒత్తులతో దీపం వెలిగిస్తారు. పచ్చి పెసలను ఆకుపచ్చ వస్త్రంలో మూటకట్టి దానం చేయడం లేదా గోమాతకు నానబెట్టిన పెసలు తినిపించడం వల్ల బుధుని అనుగ్రహం లభిస్తుందని నమ్మకం.

గణపతిని బుధుడి అధిష్టాన దైవంగా భావించి గణపతి ఆలయంలో గరిక, ఎర్రటి పుష్పాలతో అర్చన చేయించడం, కొబ్బరి నూనె దీపం వెలిగించడం విశేషంగా పాటిస్తారు.

ఈ సందర్భంగా "బుం బుధాయ నమః", "ఓం ఐం శ్రీం బుధాయ నమః" మంత్రాలు 21 సార్లు పఠిస్తారు. చాముండేశ్వరి జయంతి కోసం "ఓం ఐం హ్రీం క్లీం చాముండాయై విచ్చే" మంత్రం 21 సార్లు జపిస్తారు.