బుధుడి కర్కాటక సంక్రమణం: వృశ్చిక రాశి వారిపై ప్రభావాలు, పరిహారాలు

నవగ్రహాలలో బుధుడు జూన్ 22, 2025 (సోమవారం) మధ్యాహ్నం 3:41 నిమిషాలకు కర్కాటక రాశిలోకి ప్రవేశిస్తారు. జూలై 7 (మంగళవారం) ఉదయం 10:32 నిమిషాలకు వక్రించి మళ్లీ మిధున రాశిలోకి వెళ్లే వరకు బుధుడు ఈ రాశిలోనే ఉంటారు. ఈ కాలంలో బుధుని కర్కాటక సంక్రమణం వివిధ రాశుల వారికి భిన్నమైన ప్రభావాలను చూపుతుంది.

జ్యోతిష్య పండితులు మాచిరాజు కిరణ్ కుమార్ ప్రకారం, వృశ్చిక రాశి వారికి బుధుడు తొమ్మిదవ స్థానం (భాగ్యస్థానం) లోకి ప్రవేశిస్తారు. గోచార గ్రంథాల ప్రకారం ఈ సంచారం వ్యతిరేక ఫలితాలను ఇస్తుంది. నిర్లక్ష్యం, పనులపై ఆసక్తి తగ్గడం, అలసత్వం వంటి ప్రవర్తనలు ఏర్పడవచ్చు. అలాగే అసత్యాలు మాట్లాడే ధోరణి, చిన్న ప్రమాదాలు, సంతానానికి సంబంధించి ఇబ్బందులు కూడా కలిగే అవకాశం ఉందని ఆయన చెప్పారు.

ఈ ప్రతికూల ప్రభావాలను తగ్గించుకోవడానికి కొన్ని పరిహారాలు సూచించారు. జూన్ 22 నుంచి జూలై 7 మధ్య వచ్చే ప్రతి బుధవారం గణపతి ఆలయానికి వెళ్లి గరిక పోచలు, ఎర్ర పుష్పాలతో అర్చన చేయించాలి. ఇంట్లో ఉన్న గణపతి ఫోటోకు సింధూరం బొట్లు పెట్టి పూజ చేయాలి. సంకటనాశక గణేశ స్తోత్రం చదవడం, తులసి కోట చుట్టూ ప్రదక్షిణలు చేయడం, నానబెట్టిన పెసలు ఆవుకు తినిపించడం లేదా పంతులుకు దానం చేయడం వంటి చర్యలు బుధుని అనుకూలతను పెంచుతాయని తెలిపారు. బుధహోర సమయంలో పెసల దానం, బుధవారం పగలు ఉపవాసం ఉండి రాత్రి పెసరపప్పు అన్నం తినడం వంటి ఉపాయాలు కూడా ఇచ్చారు. ఈ పరిహారాలు చేస్తే బుధుడి కర్కాటక సంక్రమణం నుండి అనుకూల ఫలితాలు లభిస్తాయని మాచిరాజు కిరణ్ కుమార్ సూచించారు.