ప్రధాని మోదీ వీడియో తొలగింపుపై META బృందం MeitY కార్యదర్శితో భేటీ

ప్రధాని నరేంద్ర మోదీ వీడియో తొలగింపు అంశంపై చర్చించేందుకు META సంస్థ ప్రతినిధులు కేంద్ర ఎలక్ట్రానిక్స్, ఐటీ శాఖ (MeitY) కార్యదర్శిని కలిశారు. ఢిల్లీలో జరిగిన ఈ భేటీలో వీడియోను ఎవరు, ఎందుకు తొలగించారనే విషయాలపై చర్చ జరిగినట్లు సమాచారం. అయితే సమావేశం అనంతరం ఇరు పక్షాల నుంచి ఎటువంటి అధికారిక ప్రకటన రాలేదు. భేటీ నుంచి బయటకు వచ్చిన అధికారులు మీడియా ప్రశ్నలకు సమాధానం ఇవ్వలేదు. ఇటీవల ప్రధాని మోదీకి సంబంధించిన ఓ వీడియో META యాజమాన్యంలోని సోషల్ మీడియా ప్లాట్‌ఫామ్ నుంచి తొలగించడం వివాదాస్పదమైంది. దీనిపై కేంద్రం అసంతృప్తి వ్యక్తం చేసిందని తెలుస్తోంది. భేటీ వివరాలపై ప్రస్తుతానికి స్పష్టత లేదు. ప్రభుత్వ, META వర్గాలు ఈ విషయంపై త్వరలో అధికారికంగా స్పందించే అవకాశం ఉంది.