లక్ష రూపాయల లోపు బడ్జెట్లో ఎక్కువ మైలేజీ ఇచ్చే బైక్ల ధరలు, వివరాలు 2026

2026 సంవత్సరంలో లక్ష రూపాయల లోపు బడ్జెట్లో అధిక మైలేజీ ఇచ్చే బైక్లను హోండా, హీరో, బజాజ్, టీవీఎస్ వంటి కంపెనీలు మార్కెట్లో అందుబాటులో ఉంచాయి. ఈ బైక్ల ఎక్స్-షోరూమ్ ధరలు, మైలేజీ వివరాలు ఇక్కడ ఉన్నాయి.

హోండా ఎస్పీ 125 లీటర్ పెట్రోల్‌కు 60 నుంచి 65 కిలోమీటర్ల మైలేజీ ఇస్తుంది. డ్రమ్ బ్రేక్ వేరియంట్ ధర రూ.90,140 కాగా, డిస్క్ బ్రేక్ వేరియంట్ ధర రూ.96,999గా ఉంది. టీవీఎస్ రైడర్ 125 లీటర్‌కు 55 నుంచి 60 కి.మీ. మైలేజీ ఇస్తుంది. డ్రమ్ బ్రేక్ వేరియంట్ ధర రూ.85,344, సింగిల్ సీట్ వేరియంట్ ధర రూ.89,471.

హీరో స్ప్లెండర్ ఐ3ఎస్ పెట్రోల్ లీటర్‌కు 65 నుంచి 70 కి.మీ. మైలేజీ ఇస్తుంది. బేస్ మోడల్ ధర రూ.76,958, ఐ3ఎస్ వేరియంట్ ధర రూ.77,993. బజాజ్ పల్సర్ 125 లీటర్‌కు 50 నుంచి 55 కి.మీ. మైలేజీ ఇస్తుంది. పల్సర్ 125 నియాన్ సింగిల్ సీట్ ధర రూ.82,419, కార్బన్ సింగిల్ సీట్ ఎల్ఈడి వేరియంట్ ధర రూ.88,155. హోండా షైన్ 125 లీటర్‌కు 55 నుంచి 60 కి.మీ. మైలేజీ ఇస్తుంది. డ్రమ్ బ్రేక్ వేరియంట్ ధర రూ.83,184, డిస్క్ బ్రేక్ వేరియంట్ ధర రూ.87,544.