అర్ణబ్ తుఫాన్ నష్టాలపై మంత్రి అనిత పర్యటన.. బాధితుల ప్రశ్నలు

పిఠాపురం నియోజకవర్గం ఉప్పాడ కొత్తపల్లిలో అర్ణబ్ తుఫాన్ నష్టాలను హోమ్, విపత్తుల నిర్వహణ శాఖ మంత్రి వంగలపూడి అనిత పరిశీలించారు. ఎంపీ ఉదయ శ్రీనివాస్, కలెక్టర్ మహేంద్ర ప్రసాద్ ఆమెతో కలిసి ఉన్నారు. బాధిత కుటుంబాలను ఆమె పరామర్శించారు.

తుఫాన్ నష్టాలపై సమగ్ర నివేదిక అందజేయాలని మంత్రి అధికారులను ఆదేశించారు. గ్రామంలోని నష్టాన్ని పరిశీలించిన తర్వాత ఆమె ఈ ఆదేశాలు ఇచ్చారు.

పరామర్శకు వచ్చిన మంత్రిని స్థానికులు నిలదీశారు. తమను ఎవరూ పట్టించుకోవడం లేదని, హామీలు ఇచ్చి వెళ్లిపోతున్నారని వారు ప్రశ్నించారు. బాధ్యతలకు అండగా ఉంటానని మంత్రి వారికి హామీ ఇచ్చారు.

మామూలు తుఫానుల్లాగే ఇది కూడా ఉంటుందని తాను అనుకున్నానని మంత్రి చెప్పారు. కానీ ఈ తుఫాన్ ప్రభావం చాలా ఎక్కువగా ఉందని ఆమె తెలిపారు. ఇళ్లలోకి నీరు చేరిందని, నష్టాన్ని చూసిన తర్వాతే తాను వచ్చానని అన్నారు. తాను మధ్యతరగతి కుటుంబం నుంచి వచ్చిన మహిళనని, కష్టం అర్థమవుతుందని ఆమె అన్నారు. తాను 20 కిలోమీటర్ల దూరంలోనే ఉంటానని, ఎప్పుడైనా సంప్రదించవచ్చని చెప్పారు.

ఈరోజు ఎన్యుమరేషన్ స్పష్టంగా జరుగుతుందని మంత్రి తెలిపారు. మధ్యాహ్నం నుంచి ఇంటింటికీ వెళ్లి ఏం పోయింది, ఏం ఉంది అనే వివరాలను నమోదు చేస్తారని ఆమె చెప్పారు. ప్రభుత్వమే అవసరమైన వస్తువులను సరఫరా చేస్తుందని అన్నారు. బురద పేరుకుపోతే వ్యాధులు వ్యాపించే ప్రమాదం ఉందని, గ్రామాన్ని శుభ్రం చేయాలని ఆమె అధికారులను ఆదేశించారు.