మంత్రి సీతక్క రాహుల్ గాంధీ జన్మదినం సందర్భంగా అంగన్వాడీ కేంద్రం ప్రారంభం

హైదరాబాద్‌లోని చంద్రాయణగుట్ట నియోజకవర్గంలో మంత్రి సీతక్క రాహుల్ గాంధీ జన్మదినం సందర్భంగా అంగన్వాడీ కేంద్రాన్ని ప్రారంభించారు. చంద్రాయణగుట్ట ఇంచార్జీ బోయ నగేష్‌తో కలిసి అరుంధతి కాలనీలో ఆమె కేక్ కట్ చేశారు.

ఈ సందర్భంగా మంత్రి సీతక్క మాట్లాడుతూ, రాహుల్ గాంధీ పేదల కోసం, దేశ ఐక్యత కోసం పోరాడుతున్నారని అన్నారు. గాంధీ కుటుంబం దేశం కోసం త్యాగాలు చేసిందని, ఆ సేవలు మరువలేనివని ఆమె గుర్తు చేశారు.

రాహుల్ గాంధీ జన్మదినాన్ని పురస్కరించుకుని ఈ కార్యక్రమాలను నిర్వహించినట్లు ఆమె తెలిపారు. మహిళా, శిశు సంక్షేమ శాఖ మంత్రిగా అంగన్వాడీ కేంద్రాన్ని ప్రారంభించే అవకాశం లభించడం సంతోషంగా ఉందని ఆమె అన్నారు.