ఒడితల గ్రామంలో విద్యుత్ సబ్స్టేషన్ ప్రారంభించిన మంత్రి శ్రీధర్ బాబు

జయశంకర్ జిల్లా చిట్యాల మండలంలోని ఒడితల గ్రామంలో మంత్రి శ్రీధర్ బాబు విద్యుత్ సబ్స్టేషన్‌ను ప్రారంభించారు. రూ. 2.22 కోట్లతో నిర్మించిన ఈ 33/11 KV సబ్స్టేషన్ రైతులకు నిరంతర విద్యుత్ సరఫరా అందించడానికి ఉపయోగపడుతుందని మంత్రి తెలిపారు. రాష్ట్రంలో కరెంట్ కోతలు లేకుండా చర్యలు తీసుకుంటామని, ప్రజలకు నాణ్యమైన విద్యుత్ అందించడానికి సబ్స్టేషన్లను ఏర్పాటు చేస్తున్నామని మంత్రి శ్రీధర్ బాబు పేర్కొన్నారు. రైతుల అభివృద్ధికి ప్రభుత్వం కట్టుబడి ఉందని కూడా ఆయన స్పష్టం చేశారు. స్థానిక MLA గండ సత్యనారావు ఎన్నికయిన తర్వాత రైతు సోదరులకు విద్యుత్ పరంగా ఇబ్బంది రాకూడదని పలు ప్రతిపాదనలు సమర్పించారు. 33 KV సబ్స్టేషన్లు, 132/33 KV సబ్స్టేషన్లు, కొత్త DTR లు, విద్యుత్ లైన్లు మరియు పవర్ ట్రాన్స్ఫార్మర్ల ఏర్పాటుకు సంబంధించిన అంశాలను MLA నిరంతరం అనుసరించారు. గత రెండున్నర సంవత్సరాల కాలంలో రైతులకు ఎక్కడ ఇబ్బంది వచ్చినా స్థానిక ప్రజాప్రతినిధులు స్పందించి పరిష్కారాలు చూపించారని మంత్రి శ్రీధర్ బాబు కొనియాడారు.