కోనసీమ జిల్లా రాజోలులో ఇద్దరు మైనర్లు అదృశ్యం; 24 గంటల తర్వాత సురక్షితంగా తిరిగి వచ్చారు

కోనసీమ జిల్లా రాజోలులో ఇద్దరు మైనర్లు (16 ఏళ్ల బాలిక, 15 ఏళ్ల బాలుడు) నిన్న మధ్యాహ్నం నుంచి కనిపించకుండా పోయారు. కుటుంబ సభ్యులు రాజోలు పోలీస్ స్టేషన్‌లో ఫిర్యాదు చేశారు.

పోలీసులు రాజోలు, పాలకొల్లు, భీమవరం తదితర ప్రాంతాల్లో విస్తృతంగా గాలింపు చర్యలు చేపట్టారు. సిసి కెమెరాలో ఇద్దరు బైక్ మీద వెళుతున్న దృశ్యాలు రికార్డయ్యాయి.

ఇవాళ (24 గంటల తర్వాత) ఇద్దరు మైనర్లు సురక్షితంగా ఇంటికి తిరిగి వచ్చారు. ఈ ఘటనతో కుటుంబ సభ్యులు, స్థానికులు ఊపిరి పీల్చుకున్నారు.

ఇద్దరు మైనర్ల తల్లిదండ్రులు ఉపాధి నిమిత్తం దుబాయ్‌లో ఉంటున్నారు. వీరు ఇక్కడ అమ్మమ్మ ఇంట్లో ఉంటున్నారు. మైనర్లు ఎందుకు అదృశ్యమయ్యారు, ఎక్కడికి వెళ్లారనే విషయంపై పోలీసులు దర్యాప్తు ప్రారంభించారు.